fjölskyldufyrirtæki

ARFLEIFÐ OKKAR, FÓLKIÐ OKKAR

Fjölskyldan hefur séð um hellana á Ægissíðu í nærri 200 ár. Í dag höldum við þeirri hefð áfram sem fjölskyldufyrirtæki og vinnum að því að varðveita þennan einstaka hluta af menningararfi Íslands og deila honum með gestum okkar.

Hellarnir eru manngerðir, en enginn veit nákvæmlega hvenær þeir voru fyrst grafnir. Fyrir fjölskylduna snýst endurgerð hellanna um meira en að varðveita gamlar minjar; hún snýst um að halda sögum þeirra lifandi. Hver hellir geymir brot af sögu sem hefur gengið á milli kynslóða. Við segjum sögur forfeðra okkar af dularfullum hellum og fyrstu landnemunum. 

Við leggjum áherslu á sjálfbæra ferðaþjónustu og vinnum náið með nærsamfélaginu. Leiðsögumenn okkar eru af svæðinu og við nýtum alltaf vörur og þjónustu úr nærumhverfinu þegar mögulegt. Við erum einstaklega heppin með frábært starfsfólk sem hefur sterk tengsl við svæðið. Þau hafa einlægan áhuga á sögu Íslands, sem og á fólkinu og sögunum sem hafa mótað héraðið. Leiðsögumennirnir eru ástríðufullir sögumenn sem hafa mikla ánægju af því að taka á móti gestum og kynnast fólki hvaðanæva úr heiminum.

Með því að vinna með heimafólki og fyrirtækjum á svæðinu sköpum við upplifanir sem gagnast bæði gestum og samfélaginu. Íslenskir gestir geta uppgötvað staði og sögur sem gætu jafnvel verið nýjar fyrir þeim, á meðan erlendir gestir fá að upplifa Ísland í gegnum fólkið sem þekkir það best.

Uppgerð hellanna er unnin í samráði við og undir eftirliti Minjastofnunar Íslands. Langtímamarkmið okkar er að halda áfram að endurgera hellana, opna fleiri þeirra fyrir almenningi og tryggja að komandi kynslóðir geti upplifað þennan merkilega hluta af sögu landsins.