Greiðsluskilmálar

Öll verð á vefsíðunni okkar eru í íslenskum krónum (ISK). Þú getur bókað og greitt fyrir ferðina á netinu, greitt í móttökunni okkar áður en ferðin hefst eða bókað í gegnum einn af söluaðilum okkar. Ef vandamál koma upp við bókun, vinsamlegast sendu tölvupóst á info@cavesofhella.is. Mælt er með því að gestir mæti og skrái sig í móttökunni a.m.k. 10 mínútum áður en ferðin hefst.

Hellarnir við Hellu áskilja sér rétt til að breyta verðum sem þegar hafa verið gefin upp eða birt á vefsíðunni okkar og í verðskrám ef miklar gengissveiflur verða eða aðstæður skapast sem Hellarnir við Hellu hafa ekki stjórn á.

Afbókunarskilmálar

Allar afbókanir skulu berast skriflega með tölvupósti á info@cavesofhella.is. Bókanir í daglegar áætlunarferðir okkar má afbóka allt að 24 klukkustundum áður en ferðin hefst. Fyrir afbókanir sem berast með minna en 24 klukkustunda fyrirvara, og fyrir gesti sem mæta ekki, er innheimt fullt verð. Fyrir einkaferðir er innheimt fullt verð ef afbókað er með minna en 48 klukkustunda fyrirvara. Fyrir lúxusferðir eða aðrar ferðir sem innifela mat er innheimt fullt verð ef afbókað er með minna en 72 klukkustunda fyrirvara. Fyrir einkaviðburði eða sérstaka viðburði geta afbókunarskilmálar verið aðrir og má semja um þá eftir aðstæðum. 

Hellarnir við Hellu áskilja sér rétt til að breyta ferðum og ferðaáætlunum vegna veðurs eða færðar. Öllum dagskrárliðum má breyta eða aflýsa hvenær sem er meðan á ferð stendur til að tryggja öryggi gesta og starfsfólks Hellanna við Hellu. Ef Hellarnir við Hellu aflýsa ferðinni þinni getur þú valið nýjan tíma eða fengið fulla endurgreiðslu.

Ef þú getur ekki tekið þátt í bókaðri ferð vegna lokunar vega, ófærðar eða annarra aðstæðna sem þú hefur ekki stjórn á og gera þér ókleift að komast til Hellu, vinsamlegast hafðu samband við okkur með tölvupósti á info@cavesofhella.is eða í síma +354 620 6100.

Aðgengi og klæðnaður

Vinsamlegast búðu þig undir stutta og auðvelda göngu á milli hellanna og klæddu þig eftir veðri. Athugið að hellarnir eru ekki aðgengilegir fyrir hjólastóla. Gestir þurfa að geta gengið upp og niður nokkrar tröppur og gengið á nokkuð ójöfnu undirlagi.

Ábyrgð og tryggingar. Óviðráðanleg atvik (force majeure).

Hellarnir við Hellu bera enga ábyrgð á tjóni, skemmdum, slysum, veikindum eða breytingum á tímaáætlun sem rekja má til óviðráðanlegra atvika (force majeure), þar á meðal en ekki eingöngu veðurs, verkfalla, náttúruhamfara eða annarra óvæntra aðstæðna sem fyrirtækið hefur ekki stjórn á, né á kostnaði sem af slíku hlýst.
Hellarnir við Hellu bera enga ábyrgð á verðmætum gesta sem kunna að glatast eða skemmast í heimsókninni. Allt slíkt tjón og kostnaður er á persónulega ábyrgð gestsins.
Við ráðleggjum öllum viðskiptavinum okkar að hafa gilda ferðatryggingu. Slíka tryggingu ætti að vera hægt að fá í búsetulandi þínu.

Persónuupplýsingar

Hellarnir við Hellu kunna að safna og geyma persónuupplýsingar um þig, en eingöngu þegar þú veitir okkur þær af fúsum og frjálsum vilja. Við kunnum að halda skrár yfir samskipti (t.d. spjall, skilaboð, tölvupósta o.s.frv.) og aðra virkni, þar á meðal en ekki eingöngu innsendingar á samskiptaformi, núverandi og fyrri bókanir, leitir og beiðnir. Þessar upplýsingar kunna að vera notaðar til að bæta þjónustu okkar, í þjálfunarskyni og/eða til að koma í veg fyrir svik eða aðra ólögmæta starfsemi. Greiðslur eru meðhöndlaðar af utanaðkomandi greiðsluþjónustuaðila. Hellarnir við Hellu safna hvorki né geyma greiðsluupplýsingar á borð við kortaupplýsingar.​Lögsaga

Um skilmála þessa gilda íslensk lög. Ef eitthvert ákvæði skilmálanna reynist ógilt, ólögmætt eða óframfylgjanlegt hefur það ekki áhrif á gildi, lögmæti eða framfylgjanleika annarra ákvæða. Ágreiningur sem rís í tengslum við skilmála þessa skal heyra undir lögsögu Héraðsdóms Reykjavíkur.